Andrey Rublyov French Open uchinchi davrasiga chiqdi

Dunyoning oltinchi raketkasi Andrey Rublyov musobaqaning uchinchi bosqich ishtirokchisiga aylandi. Rossiyalik tennischi 121 daqiqa davom etgan ikkinchi davra uchrashuvida ATP reytingida 48-o'rinni egallab turgan ispaniyalik Pedro Martinesni mag'lubiyatga uchratdi - 6/3, 6/4, 6/2.

Tennischilarning o'zaro ikkinchi uchrashuvida ham Rublyov g'alaba qozondi. Andrey 10, Pedro esa 2 ta eys zarbasini amalga oshirgan. Qo'shxatolar Martinesda ko'proq bo'ldi - 4 ga 2. Breyklar bo'yicha ustunlik rus tennischisi tomonda - 5 ga 1.