AQSHning medallari 105taga etdi, terma jamoamiz esa 30-o'rinda!

Amerikaliklar bugun tong saharda o'zalarining Riodagi 105-medallarini qo'lga kiritishdi. O'zbekiston terma jamoasi esa ikkita oltin, bitta kumush va beshta bronza medali bilan 31-pog'onani egallab turibdi. Kecha terma jamoamiz bokschilaridan SHahobiddin Zoirov va Fazliddin G'oibnazarov finalga chiqish barobarida kamida kumush medalni naqd qilishdi.

Kechagi kun musobaqalaridan so'ng AQSH terma jamoasining umumiy medallari soni 105taga etdi. SHulardan 38tasi oltin, 35tasi kumush, 32tasi bronza medallaridir. Ikkinchi o'rinni Buyuk Britaniya terma jamoasi band etgan. Ularning umumiy medallar soni 60tani tashkil qilmoqda. Oltin medallar soni 24ta, kumush 22ta, bronza esa 14taga etdi.

Xitoy terma jamoasi uchinchi o'rindan joy olgan. CHin yurti jamoasi 22ta oltin, 18ta kumush, 25ta bronza medalini qo'lga kiritgan. SHu kungacha 57ta davlat terma jamoalari kamida bir nafar Olimpiada chempioniga ega bo'lib ulgurgan. Roppa-rosa 70ta terma jamoa hisobida esa kamida bittadan kumush medal bor. Sakson to'rtta mamlakat terma jamoasi esa kamida bittadan bronza medaliga ega bo'lib turibdi.

MEDALLAR JAMG'ARISH. TOP-10

1. AQSH – 105 (38-35-32)

2. Buyuk Britaniya – 60 (24-22-14)

3. Xitoy – 65 (22-18-25)

4. Germaniya – 35 (14-8-13)

5. Rossiya – 48 (13-16-19)

6. Yaponiya – 41 (12-8-21)

7. Franciya – 37 (9-14-14)

8. Avstraliya – 29 (8-11-10)

9. Italiya – 25 (8-11-6)

10. Gollandiya – 18 (8-6-4)

... 31. O'ZBEKISTON – 8 (2-1-5)