Argentina bosh murabbiyi Lionel Messining JCH-2026`da ishtiroki haqidagi vaziyatni izohladi

"Bu ko'proq uning o'ziga beriladigan savol. Mening poziciyamni bilasiz — men u ishtirok etishi uchun qo'limdan kelgan barcha ishni qilaman. Lekin qaror uning o'zida qolmoqda, uning ruhiy holati va formasiga qarab.

Bu qiyin, chunki faqat argentinaliklar emas, hamma uni o'sha erda ko'rishni xohlaydi. Ammo u tinch o'ylab, qaror qabul qilish huquqiga ega, biz shoshilmayapmiz. Qanday qaror qabul qilmasin, u jamoa va uning o'zi uchun eng yaxshisi bo'ladi. Biz uning "ha" deb javob berishiga umid qilamiz, lekin bundan ortiq hech narsa dey olmayman", — deydi Skaloni so'zlarini Le Parisien nashri keltirgan.