Arina Sobolenko Madridda chempionlik himoyasini boshladi

Belaruslik tennis malikasi chempionlik himoyasini muvaffaqiyatli boshlab oldi. U ilk davrada WTA reytingida 48-o'rinni egallab turgan polshalik Magda Linettni uch set natijasiga ko'ra mag'lubiyatga uchratdi - 6/4, 3/6, 6/3.

Tennischilarning o'zaro uchrashuvlaridagi hisob yanada yiriklashdi - 4:0. Ikki soatu 12 daqiqa davom etgan bahsda Sobolenko 10, Linett 3 ta eys zarbasini amalga oshirgan. Qo'shxatolar 6 ga 1, breyklar 2 ga 1 ko'rinishida Arina foydasiga bo'ldi. 

Endi Sobolenko uchinchi bosqichda amerikalik Robin Montgomeriga qarshi kortga chiqadi. Okean orti vakilasi ikkinchi davrada britaniyalik Keti Bulterdan 1/6, 6/3, 6/4 hisobida ustun kelgan.