Armen Bagdasarov O'zbekiston chempionati oldidan hakamlar uchun seminar o'tkazdi FOTOGALEREYA

Yilning so'nggi musobaqasi oldidan Xalqaro dzyudo federaciyasi (IJF) referi direktori Armen Bagdasarov mamlakat chempionati hakamlari uchun xalqaro seminar o'tkazdi. 

Unda gruziyalik IJF referisi Vladimir Nutsubidze, IJFda faoliyat yuritayotgan yana bir hamyurtimiz Abdulla Murodov, olimpiya toifasidagi o'zbekistonlik xalqaro hakamlar Ramziddin Saidov, Vyacheslav Pereteyko, O'zbekiston dzyudo federaciyasi Hakamlar hayati raisi Bahodir Uzakbergenov hamda chempionat bellashuvlarini boshqari uchun taklif etilgan referilar ishtirok etishdi. 

Hakamlar bevosita dzyudochilarni musobaqa vaqtida his qilishlari uchun seminar davomida kimonoda bo'lishdi. Armen Yurevich boshqargan seminar IJF qoidalariga mos ravishda tashkil etildi. Katta monitorda musobaqalardagi bahsli vaziyatlar muhokama qilindi.