"Arsenal" Arteta uchun rekord darajadagi shartnoma tayyorlamoqda

"Arsenal" bosh murabbiyi Mikel Arteta bilan shartnomani uzaytirmoqchi, deb xabar berdi "Daily Mail". "Kanonirlar" ispaniyalikni klub tarixidagi eng ko'p maosh oluvchi murabbiyga aylantirishga tayyor.

Tomonlar o'rtasidagi amaldagi kelishuv 2025 yilning iyunigacha amal qiladi. "To'pchilar" mutaxassisni uzoqroq muddatga saqlab qolmoqchi va uning maoshini yiliga hozirgi 9 million funtdan sezilarli darajada oshirishga shay. U APLda Pep Gvardioladan keyin ikkinchi eng ko'p maosh oluvchi murabbiyga aylanishi mumkin.

Klub ham, mutaxassis ham shartnomani uzaytirish tarafdori. Tomonlar Arteta va sport direktori Edu Gaspar tatildan qaytganlaridan keyin hamma narsani batafsil muhokama qilishadi.