Ashxobod-2017. Medallarimiz soni 130 taga etdi, bu borada ikkinchi o'rindamiz!

Musobaqaning kechagi kungi bahslaridan so'ng terma jamoamiz g'aznasidagi umumiy medallar soni 130 taga etdi. SHulardan 24 tasi oltin medallardir. Hisobimizda yana 30 ta kumush va 73 ta bronza medallari bor. Umumjamoa hisobida 5-o'rinni, umumiy medallarimiz soni bo'yicha 2-o'rinni egallab turibmiz.

Bizdan faqat Turkmaniston terma jamoasi ko'p medal jamg'argan. Mezbonlar 89 ta oltin, 70 ta kumush, 85 ta bronza, jami 244 ta medal jamg'arib, umumjamoa hisobida g'oliblikni qo'lga kiritib ulgurishdi. Xitoy terma jamoasi 93 ta medal bilan ikkinchi o'ringa mustahkam o'rnashib olgan. CHin yurti vakillari hisobida 40 ta oltin, 30 ta kumush, 23 ta bronza medali bor. 

Kuchli uchlikka Eron terma jamoasi 35 ta oltin, 22 ta kumush, 59 ta bronza, jami 116 ta medal bilan yakun yasagan. To'rtinchi o'rinni Qozog'iston terma jamoasi band etgan. Yon qo'shnilarimizning oltin medallari 28 taga etdi. Bizdan keyingi o'rinlardagi Tailandda 21, Janubiy Koreyada 14 tadan oltin medal bor.