Ashxobod-2017. O'zbekistonlik sportchilarning ishtiroklaridan onlayn yakunlandi.

Sportchilarimizning bugungi kundagi ishtiroklaridan onlayn translyaciya yakunlandi.

20:35. SHaxmat. Gulruhbegim Tohirjonova BAAlik raqibini mag'lub etdi.

20:33. SHahzod Hudoyberganov o'z vazn toifasida kumush medal sohibiga aylandi. Sportchimizni tabriklaymiz!

20:30. Og'ir atletikachimiz medalga yaqin. Unga omad tilaymiz!

20:24. Kumush raqibini 10:0 hisobida mag'lub etdi va hisobimizga O'NINCHI OLTIN MEDALni qo'shib qo'ydi!

20:20. Futzalchilarimiz Xitoy terma jamoasi bilan 4:4 hisobida durang o'ynadilar...

20:05. SHaxmat. Jahongir Vohidov qatarlik raqibi bilan durang o'ynadi. 0,5 - 0,5...

20:04. Og'ir atletikachimiz SHahzod Xudoyberganov o'z chiqishini namoyish etmoqda. Dast ko'tarishdan so'ng vakilimiz 155kg natija bilan ikkinchi o'rinni egallab turibdi.

20:02. Nihoyat so'nggi jang! Kumush Yo'ldoshovadan ham oltin kutamiz.

20:00. Jadvalda to'rtinchi o'ringa ko'tarildik!

19:58. Kamoliddin Rasulovda ham oltin medal!!!! Bu bizning to'qqizinchi oltin medalimiz!

19:38. Yana ikki nafar kurashchimiz ishtirokidagi final bizni kutmoqda. Oz qoldi. Kutamiz!

19:22. Kurash. Davlat Abraev raqibini mag'lubiyatga uchratdi! BIZDA SAKKIZINCHI OLTIN MEDAL!

19:20. Futzalchilarimiz esa xitoyliklar bilan 1:1 hisobida durang qayd etmoqdalar.

19:18. 3x3 basketbolda Qirg'iziston terma jamoasi azolariga 18:21 hisobida mag'lub bo'ldik...

19:15. Davlat Abraev final jangiga chiqib kelmoqda! OLG'A!

19:00. Qozoq kurashi bahslarida qatnashayotgan sportchilarimiz o'z ishtiroklarini yakunladilar.

18:52. -78kg vazn toifasida gilamga chiqayotgan kurashchimiz Kumush Yuldashova turkmanistonlik raqibini mag'lubiyatga uchratib, finalga yo'l oldi. U oltin olish uchun Xitoy Taypeyidan tashrif buyurgan sportchi CHia Jing Kaoni mag'lub etishi lozim bo'ladi.

18:45. -81kg vazn toifasidagi polvonimiz Kamoliddin Rasulov turkmanistonlik Muhammed Temirovni 5:0 hisobida mag'lubiyatga uchratib, finalga chiqdi. Endi u finalda Xitoyo Taypeyi vakiliga qarshi jangn qiladi.

18:40. Qozoq kurashida SHahobiddin Sangilov hindistonlik raqibini mag'lubiyatga uchratib chorak finalga chiqdi.

18:38. Reytingda beshinchi o'ringa pastladik... Xitoy terma jamoasi ham bizdan oldinga o'tib oldi. Oltin medal kerak!

18:32. -70kg vazn toifasida gilamga chiqqan sportchimiz Gavhar Hudoyqulova turkmanistonlik Mariya Loxovaga imkoniyatni boy berib qo'ydi va yakunda bronza medali bilan kifoyalanadigan bo'ldi.

18:25. -73kg vazn toifasidagi kurashchimiz Davlat Abraev eronlik Omid Tiztakni 10:0 hisobida mag'lubiyatga uchratib, finalga yo'l oldi. U finalda tojikistonlik kurashchi Buhruzi Xo'jazodaga qarshi gilamga chiqadi.

17:50. Osiyo o'yinlarida 1 ta oltin, 2 ta kumush va 1 ta bronza medallarini qo'lga kiritgan engil atletikachilarimiz bugun O'zbekistonga qaytadilar.

17:30. Tennis. Karimjonova/Kim juftligi filippinlik raqiblariga 4:6, 3:6 hisoblarida yutqazib qo'ydi.

17:20. Kurash bo'yicha yarim finallarda ishtirok etadigan sportchilarimiz:

-73kg: Davlat Abraev - Omid Tiztak (Eron)

-81kg: Kamoliddin Rasulov - Muhammet Temirov (Turkmaniston)

-70kg: Gavhar Hudoyqulova - Mariya Loxova (Turkmaniston)

-78kg: Kumush Yuldashova - Orazgul Seyidova (Turkmaniston)

Janglar 18:00dan so'ng boshlanadi.

17:00. Ayni shu paytda O'zbekiston terma jamoasi reytingda to'rtinchi o'rinda bormoqda. Taylandliklar ikkita oltin evaziga bizdan o'tib ketishdi. Ayni paytda terma jamoamiz sportchilari hisobida 7 ta oltin, 16 ta kumush va 35 ta bronza medali mavjud.

16:52. Taekvondoda yana bir bronza medali. SHuhrat Salaev yarim finalda Janubiy Koreyadan tashrif buyurgan sportchi Kangeun Seoga 11:19 hisobida yutqazib qo'ydi.

16:35. Tennis. Karimjonova/Kim juftligi filippinlik raqiblariga qarshi o'ynamoqdalar. Birinchi set raqiblar foydasiga 6:4. Ikkinchi set boshlandi!

16:25. Endi qozoq kurashini ko'ramiz. Ushbu sport turida ikki sportchimiz ishtirok etadi. Soat 18:00dan keyin boshlanadigan bahslarda SHahobiddin Sangilov hindistonlik polvonga qarshi, Odiljon Suyunov esa tojikistonlik raqibiga qarshi gilamga chiqadi.

16:15. Birozdan so'ng taekvondochimiz SHuhrat Salaev final yo'llanmasi uchun janubiy koreyalik Kangeun Seoga qarshi tatamiga chiqadi.

15:50.SHaxmatchilarimiz ikkinchi o'yinni boshladilar:

Gulruhbegim Toxirjonova - Sarasadat Hademalshareix (Eron)

Jahongir Vohidov - Aziz Husayn Nezad (Qatar)

Nodira Nodirjonova - CHen Zu (Qatar)

Alisher Begmurodov - Jasim Alhuar (BAA)

15:29. Sanjar Fayziev va Farrux Do'stov pokistonlik tennischilar juftligini 6:1, 6:1 hisoblarida mag'lub etdilar.

15:15. Taekvondochimiz SHuhrat Salaev xitoylik raqibini 17:13 hisobida mag'lub etib yarim finalga yo'l oldi.

14:00. Tennischilarimizdan tashkil topgan Fayziev/Do'stov juftligi pokistonlik raqibga qarshi bahsni boshladilar.

13:28. Boulingchilarda esa axvol chatoq. Erkaklar o'rtasidagi bahslarda Baxtiyor Dalaboev 12, Ravshan Abdusamadov esa 24-o'rinni egalladi. 32 nafar sportchi ichida!

13:15. Grossmeyster Jahongir Vohidov tojikistonlik Alisher Karimovni 1:0 hisobida mag'lubiyatga uchratdi.

12:54. Bugun juftlik bahslarida Fayziev/Do'stov hamkorligi pokistonlik raqiblarga qarshi kortga chiqadilar.

12:50. Sanjar Fayziev eronlik raqibini 6:2, 6:0 hisobida mag'lubiyatga uchratib, chorak finalga yo'l oldi.

12:32. SHaxmatchi Alisher Begmurodov Yui Vangga 0:1 hisobida yutqazib qo'ydi.

12:27. Sanjar Fayziev birinchi setni o'z foydasiga hal qildi.

12:15. Jahongir Vohidov va Alisher Begmurodov kabi shaxmatchilarimiz ham ayni paytda raqibga qarshi dona surmoqdalar.

12:05. SHaxmatchimiz Nodira Nodirjonova maldivlik raqibini 1:0 hisobida mag'lub etib, ikkinchi bosqichga yo'l oldi.

12:02. Sanjar Fayziev eronlik Madanchiga qarshi o'yinini boshladi.

12:00. Kurash. Davlat Abraev, Gavhar Hudoyqulova, Kamoliddin Rasulov, Kumush Yuldashova kabi kurashchilarimiz yarim final yo'llanmasini qo'lga kiritdilar.

11:55. Taekvondo. SHuhrat Salaev eronlik Salar Vahidini 17:15 hisobida mag'lubiyatga uchratib, chorak finalga chiqdi. Endi u yarim finalga chiqish uchun Xitoy vakili Guodong Songga qarshi tatamiga chiqadi.

11:47. Tennischimiz Yuliya Kim qozog'istonlik Aleksandra Grinchishinaga 6:0, 3:6, 2:6 hisobida yutqazib qo'ydi.

11:30. Ot sporti. Bahromjon Gaziev bahslardan chetlatildi. Sababi biz uchun hozircha nomalum.

11:26. Taekvondo. -68kg vazn toifasidagi sportchimiz SHuhrat Salaev Vanatau mamlakati vakili Freddi Saksakni 42:6 hisobida mag'lubiyatga uchratdi.

11:23. Kurashchilarimiz juda yaxshi ishtirok etishmoqda. Davlat Abraev, Gavhar Xudoyqulova, Kumush Yuldashevalar ilk janglarida g'alaba qozonib, keyingi bosqich yo'llanmasini qo'lga kiritdilar.

11:18. SHaxmatchimiz Gulruxbegim Toxirjonova birinchi bosqich o'yinini o'tkazdi. Ushbu bahsda u BAA vakili Vadima Xumaidni 1:0 hisobida mag'lubiyatga uchratdi.


11:11. Futzalchilarimiz soat 18:00da Qirg'iziston terma jamoasiga qarshi parketga chiqadilar.

11:00. Bugun Ashxoboddagi Osiyo o'yinlarida O'zbekiston delegaciyasi sportchilari quyidagi sport turlarida ishtirok etadilar:

3x3 basketbol: O'zbekiston - Qirg'iziston
Kurash
Belbog'li kurash
Bouling
SHaxmat
Ot sporti
Futzal: O'zbekiston - Xitoy
Tennis
Taekvondo
Velosport
Og'ir atletika