"Atletik" Ispaniya futbol federaciyasi va La Ligadan Uilyamsning "Barsa"ga o'tishiga yo'l qo'ymaslikni so'ramoqchi

Avval xabar qilinganidek, kataloniyaliklar 22 yoshli qanot futbolchisi uchun 1 yoki 2 iyulda 62 million evro to'lovni amalga oshirishni rejalashtirmoqda, bu xarajatlar keyingi moliyaviy yilga o'tkazilishi ko'zda tutilgan. SHu tariqa "Barsa" moliyaviy feyr-pley qoidalariga amal qilishni rejalashtirmoqda.

Cadena SER malumotiga ko'ra, ayni paytda Madridda bo'lib turgan "Atletik" prezidenti Yon Uriarte va bosh direktor Yon Berasategi La Liga va Ispaniya qirollik futbol federaciyasiga "Barselona"ning barcha moliyaviy operaciyalarini tekshirish zarurligi haqida xabar bermoqchi.

"Atletik"dagilar fikricha, "Barselona" hamon moliyaviy qoidalarga rioya qilishda qiyinchiliklarga duch kelmoqda. Bilbao klubi liga va federaciyadan "ko'k-anor ranglilar" "1 ga 1" qoidasiga qaytmaguncha Uilyams bilan shartnoma imzolamasligini nazorat qilishni so'rashadi. 

Takidlanishicha, "Atletik" "Barselona" bilan bevosita qarama-qarshilikka tayyor. Uilyams o'z agenti orqali allaqachon Kataloniya klubiga o'tish istagini bildirgan, biroq o'tgan yili shartnomani "Atletik" futbolchining ketishi bo'yicha biror osonlashtiruvchi band qo'shilmagan, klub futbolchiga biror vada ham bermagan.