12 noy 12:37
Yangiliklar
Tennis
ATP Finals. Karlos Alkarazda kutilmagan mag'lubiyat
Dunyoning uchinchi raketkasi Karlos Alkaraz Turinda davom etayotgan ATP Yakuniy turniridagi ishtirokini mag'lubiyat bilan boshladi.
Ispaniyalik tennischi guruh bosqichining ilk uchrashuvida ATP reytingida ettinchi o'rinni egallab turgan norvegiyalik Kasper Ruudga imkoniyatni boy berib qo'ydi - 1/6, 5/7. Kasper faoliyatida ilk bor Alkarazni taslim eta oldi - 1:4. Bungacha o'tkazilgan 4 ta uchrashuvning barchasida ispan tennischisi zafar quchgandi.
Sakson olti daqiqa davom etgan bahsda Alkaraz 4, Ruud 5 ta eys zarbasini amalga oshirgan. Breyklar bo'yicha ustunlik Kasper tomonida bo'ldi - 4 ga 1. Norvegiyalik tennischi Jon Nyukomb guruhi peshqadamiga aylanib oldi.
Havola :
Manba : gotennis
Fikrlar