ATP reytingi. Bir tennischimiz 16 o'rin yuqoriladi, yana ikkisi 20 va 44 pog'onaga pastladi

Mamlakatimizning birinchi raketkasi Humoyun Sultonov 20 pog'onaga pastlab, 236-o'ringa tushib qoldi. O'tgan hafta turnirlarda qatnashmagan Humoyun 20 ochko yo'qotdi. Ikkinchi raketkamiz Sergey Fomin esa aksincha qo'lga kiritilgan 3 ochko evaziga 16 o'ringa yuqorilab, ayni paytda 561-pog'onani egallab turibdi. Uchinchi raqamli tennischimiz Maksim SHin 44 pog'ona quyiga pastladi. Amir Milushev va Rahimbek Ibrohimovlar ham bir xilda 5 o'ringa pastlashdi. 

Dunyo tennischilarining Top-10`taligida bir nechta o'zgarish kuzatildi. Australian Open turnirida zafar quchgan Yannik Sinner o'tgan yilgi chempionlik ochkolarini muvaffaqiyatli himoya qildi va u hamon katta farq bilan reyting peshqadami bo'lib turibdi. Finalga etib kelgan dunyoning ikkinchi raketkasi Aleksandr Zverev o'z hisobiga 500 ochko qo'shib qo'ydi. Aksincha, 1250 ochkodan mahrum bo'lgan rossiyalik Daniil Medvedev 5-o'rindan 7-pog'onaga pastladi. Kasper Ruud va Novak Jokovich bir, Tommi Pol ikki o'ringa yuqoriladi. 

ATP reytingi. 27 yanvar holatiga ko'ra Top-10:

1. (1) Yannik Sinner (Italiya) - 11830 ochko

2. (2) Aleksandr Zverev (Germaniya) - 8135

3. (3) Karlos Alkaraz (Ispaniya) - 7010

4. (4) Teylor Fritc (AQSH) - 5350

5. (6) Kasper Ruud (Norvegiya) - 4160

6. (7) Novak Jokovich (Serbiya) - 3900

7. (5) Daniil Medvedev (Rossiya) - 3780

8. (8) Aleks De Minaur (Avstraliya) - 3735

9. (11). Tommi Pol (AQSH) - 3495

10. (9) Andrey Rublyov (Rossiya) - 3130

O'zbekistonlik tennischilarning ATR reytingidagi o'rni:

236 (216). Humoyun Sultonov - 245 

561. (577). Sergey Fomin - 63 

1178. (1134). Maksim SHin - 8 

1544T (1539T). Amir Milushev - 3 

2019T (2014T). Rahimbek Ibrohimov - 1