ATP reytingi. CHempion Fomin yaxshigina yuqoriladi, Sultonov o'z o'rnida, Top-10`da bitta o'zgarish

Mamlakatimizning birinchi raketkasi Humoyun Sultonov o'tgan haftadagi o'rni (229)ni saqlab qoldi. U o'z hisobiga 3 ochko qo'shib qo'ydi. Bir hafta avval Antaliya turnirida chempion bo'lgan ikkinchi raketkamiz Sergey Fomin 14 ochko jamg'ardi va buning natijasida 56 pog'onaga ko'tarilib oldi. Ikki kun oldin Antaliya turnirida vice-chempion bo'lgan Fominning navbatdagi ochkolari kelasi hafta reytingi uchun hisoblanadi va tabiiyki, u reytingda yana yuqorilaydi. Maksim SHin 4 pog'onaga pastlagan bo'lsa, Amirbek Milushev va Rahimbek Ibrohimov aksincha 4 o'ringa ko'tarilishdi. 

Dunyo tennischilarining Top-10`taligida bitta o'zgarish kuzatildi. Britaniyalik Jek Dreyper bir pog'onaga yuqorilab, norvegiyalik Kasper Ruud bilan o'rin almashib oldi. Qolganlar o'tgan haftadagi mavqeylarini saqlab qolishdi. Italiyalik Yannik Sinner uch oyga katta tennisdan chetlatilganiga qaramay, hamon katta farq bilan reytingdagi peshqadamligini davom ettirmoqda. Kuchli uchlikdan germaniyalik Aleksandr Zverev va ispaniyalik Karlos Alkaraz joy olgan. 

ATP reytingi. 7 aprel holatiga ko'ra Top-10:

1. (1) Yannik Sinner (Italiya) - 10330 ochko

2. (2) Aleksandr Zverev (Germaniya) - 7645

3. (3) Karlos Alkaraz (Ispaniya) - 6720

4. (4) Teylor Fritc (AQSH) - 5290

5. (5) Novak Jokovich (Serbiya) - 4510

6. (7) Jek Dreyper (Buyuk Britaniya) - 3780

7. (6) Kasper Ruud (Norvegiya) - 3765

8. (8) Stefanos Cicipas (Greciya) - 3445

9. (9) Andrey Rublyov (Rossiya) - 3440

10. (10) Aleks De Minaur (Avstraliya) - 3335

O'zbekistonlik tennischilarning ATR reytingidagi o'rni:

229 (229). Humoyun Sultonov - 247 (+3) 

499. (555). Sergey Fomin - 80 (+14) 

1260. (1156). Maksim SHin - 6 

1716T (1720T). Amir Milushev - 2 

1957T (1961T). Rahimbek Ibrohimov - 1