ATP reytingi. Dunyoning birinchi raketkasi yana o'zgardi, 56 pog'ona yuqorilagan Fomin Sultonovga deyarli etib oldi

Etiborlisi, dunyo tennischilari reytingida yana peshqadam o'zgardi. Parij "Masters" turniri chempioni Yannik Sinner bor yo'g'i bir hafta karvonboshilik qildi. Yangilangan reytingda ispaniyalik Karlos Alkaras yana 1-o'ringa qaytdi. Sinner esa ikkinchi o'ringa pastladi. Top-10`talikda ham bir nechta o'zgarish kuzatildi. Afina turnirida chempion bo'lgan Novak Jokovich 4-o'ringa ko'tarilib oldi. Amerikalik Ben SHelton ham bir pog'ona yuqoriladi. Teylor Fric aksincha, 4-o'rindan 6-pog'onaga tushdi. Britaniyalik Dek Dreyper Top-10`ga qaytdi.  

Yangilangan reytingdan o'rin olgan 8 tennischimizdan 7 nafari ko'tarilishga muvaffaq bo'ldi. Mamlakatimizning birinchi raketkasi Humoyun Sultonov 2 pog'onaga yuqoriladi. Ikkinchi raketkamiz Sergey Fomin esa Xitoyning Cyandaoxu shahrida ITF M25 toifasiga kiruvchi turnirda chempion bo'lgani hisobiga 56 pog'onaga ko'tarilib oldi. Fomin hisobiga 24 reyting ochkosi qo'shib qo'ydi va Sultonovga deyarli etib oldi. Kelgusi hafta O'zbekistonning birinchi raketkasi o'zgarib qolsa, bundan ajablanmaymiz. Uchinchi raketkamiz Maksim SHin o'z o'rnida qoldi. Birgina Amir Milushev 4 pog'onaga pastladi. Qolgan tennischilarimiz oz bo'lsa-da, o'z mavqelarini yaxshilab olishdi. Batir Sapaev 7, Ilya Ignatov 2, Abdulaziz Usmonjonov 2, Damir Abdusamadov esa 1 pog'onaga ko'tarilgan. 

ATP reytingi. 10 noyabr kun holatiga ko'ra Top-10:

1. (2) Karlos Alkaras (Ispaniya) - 11 050 ball

2. (1) Yannik Sinner (Italiya) - 10 000

3. (3) Aleksandr Zverev (Germaniya) - 4960

4. (5) Novak Jokovich (Serbiya) - 4830

5. (6) Ben SHelton (AQSH) - 3970

6. (4) Teylor Fric (AQSH) - 3935

7. (7) Aleks de Minaur (Avstraliya) - 3935

8. (8) Feliks Oje-Alyassim (Kanada) - 3845

9. (9) Lorenco Muzetti (Italiya) - 3840

10. (11) Jek Dreyper (Buyuk Britaniya) - 2990...

O'zbekistonlik tennischilarning ATR reytingidagi o'rni:

397 (399). Humoyun Sultonov — 119 (+1 ochko) 

404 (460). Sergey Fomin — 118 (+24)

987 (987). Maksim SHin — 16 

1337T (1333T). Amir Milushev — 5

1802T (1809T). Botir Sapaev — 1   

1894T (1896T). Ilya Ignatov — 1 

1894T (1896T). Abdulaziz Usmonjonov — 1

1981T (1982T). Damir Abdusamadov — 1