ATP reytingi. Etakchilarimiz pastlashdi. Rahimbek 72, Novakni yutgan Yakub 30 pog'ona ko'tarildi

Mamlakatimizning birinchi raketkasi Humoyun Sultonov 8 pog'ona pastlab, 229-o'rinni egallab turibdi. U ikki hafta turnirlarda ishtirok etmadi va buning natijasida 12 ochko yo'qotdi. Kecha Antaliya turnirida chempion bo'lgan ikkinchi raketkamiz Sergey Fomin 2 ochko yo'qotdi va 12 pog'onaga pastladi. Uning kechagi chempionlik ochkolari kelasi hafta reytingi uchun hisoblanadi. Qolgan uch tennischimiz o'z o'rinlarini yaxshilab olishdi. Maksim SHin 5, Amirbek Milushev 19, Rahimbek Ibrohimov esa oz emas, ko'p emas, 72 o'ringa ko'tarilgan. 

Dunyo tennischilarining Top-10`taligida ham o'zgarishlar kuzatildi. Rossiyalik Daniil Medvedev uzoq muddatdan keyin Top-10`talikni tark etdi. U Mayami "Masters" turniridagi o'tgan yilgi 1/2 final ochkolari himoya qila olmadi. Mayami turnirida shov-shuvli tarzda chempion bo'lgan chexiyalik 19 yoshli Yakub Menshik 54-pog'onadan 24-o'ringa ko'tarilib oldi. 

Italiyalik Yannik Sinner uch oyga katta tennisdan chetlatilganiga qaramay, hamon katta farq bilan reyting peshqadami bo'lib turibdi. Kuchli uchlikdan germaniyalik Aleksandr Zverev va ispaniyalik Karlos Alkaraz joy olgan. Stefanos Cicipas ikki pog'onaga yuqoriladi. 

ATP reytingi. 31 mart holatiga ko'ra Top-10:

1. (1) Yannik Sinner (Italiya) - 10330 ochko

2. (2) Aleksandr Zverev (Germaniya) - 7645

3. (3) Karlos Alkaraz (Ispaniya) - 6720

4. (4) Teylor Fritc (AQSH) - 5290

5. (5) Novak Jokovich (Serbiya) - 4510

6. (6) Kasper Ruud (Norvegiya) - 3855

7. (7) Jek Dreyper (Buyuk Britaniya) - 3780

8. (10) Stefanos Cicipas (Greciya) - 3445

9. (9) Andrey Rublyov (Rossiya) - 3440

10. (11) Aleks De Minaur (Avstraliya) - 3335

O'zbekistonlik tennischilarning ATR reytingidagi o'rni:

229 (221). Humoyun Sultonov - 244 (-12) 

555. (543). Sergey Fomin - 66 (-2) 

1256. (1161). Maksim SHin - 6 

1720T (1739T). Amir Milushev - 2 

1961T (2033T). Rahimbek Ibrohimov - 1