ATP reytingi. Medvedev va Istomin ko'tarildi, Fayziev 115 pog'ona quyiga sho'ng'idi

Hamon ispaniyalik Karlos Alkaraz reytingi karvonboshchisi bo'lib turibdi. Uning vatandoshi Rafael Nadal ikkinchi o'rinni saqlab qoldi. Vena turnirida chempion bo'lgan rossiyalik Daniil Medvedev Top-3ga qaytdi. Bazel turniri g'olibi, kanadalik Feliks Oje 8-o'ringa ko'tarildi. 

Mamlakatimizning birinchi raketkasi Sergey Fomin o'tgan haftadagi o'rniga nisbatan 9 pog'onaga pastlab, ayni paytda 381-o'rinni egallab turibdi. Ikkinchi raketkamiz Denis Istomin aksincha ikki pog'onaga ko'tarilib, 447-pog'onaga joylashdi. Sanjar Fayziev biryo'la 115 o'ringa pastlab, 1156-pog'onaga tushib ketdi.  

ATP reytingi. 31 oktyabr kungi holat

1. (1) Karlos Alkaraz (Ispaniya) - 6730 ochko

2. (2) Rafael Nadal (Ispaniya) - 5810

3. (4) Daniil Medvedev (Rossiya) - 5655

4. (3) Kasper Ruud (Norvegiya) - 5510

5. (5) Stefanos Cicipas (Greciya) - 5035

6. (6) Aleksandr Zverev (Germaniya) - 4360

7. (7) Novak Jokovich (Serbiya) - 4320

8. (9) Feliks Oje (Kanada) - 3725

9. (8) Andrey Rublyov (Rossiya) - 3685

10. (11) Xubert Gurkach (Polsha) - 3220...

O'zbekistonlik tennischilarning ATR reytingidagi o'rni:

381 (372). Sergey Fomin - 125

447 (449). Denis Istomin - 90

499 (500). Humoyun Sultonov - 69

1156 (1041). Sanjar Fayziev - 6

1162 (1160). Maksim SHin - 6...