ATP reytingi. Tennischilarimizdan biri 270, ikkinchisi 685 pog'onaga ko'tarildi, dahshat!

Quvonarlisi, yangilangan reytingga 8 nafar tennischimiz kiritildi. Yana ham muhimi, ikki tennischimiz reytingda yaxshigina ko'tarilishga muvaffaq bo'ldi. Maksim SHin Toshkent turnirlaridagi muvaffaqiyatli ishtiroki sabab 685 pog'onaga ko'tarilib, 1052-o'rinni egallab turibdi. U bu ko'tarilish evaziga O'zbekistonning uchinchi raketkasiga aylanib oldi. Amir Milushev esa 270 pog'onaga yuqorilab, hozirda 1409-o'rindan joy olgan. U endi to'rtinchi raketkamiz. Ikkinchi raketkamiz Sergey Fomin ham 6 pog'onaga ko'tarildi.    

Aksincha, mamlakatimizning birinchi raketkasi Humoyun Sultonov 4 pog'onaga pastlab, 227-o'ringa tushdi. Rahimbek Ibrohimov 102 pog'onaga sho'ng'idi. Fomin muvaffaqiyatli ishtiroki sabab o'z hisobiga 3, SHin 10, Milushev 2 ochko qo'shib oldi. Yangilangan reytingga o'zbekistonlik tennischilardan Botir Sapaev, Abdulaziz Usmonjonov va Damir Abdusamadov kiritildi.     

Dunyo tennischilarining Top-10`taligida ham bir nechta o'zgarish kuzatildi. "Rolan Garros" chempioni Karlos Alkaraz dunyoning birinchi raketkasi bilan oradagi farqni birmuncha qisqartirdi. Finalda Karlosga imkoniyatni boy bergan Yannik Sinner hamon dunyoning birinchi raketkasi bo'lib turibdi. Uchinchi pog'onadagi Aleksandr Zverev ham o'z o'rnida o'zgarishsiz qoldi. Britaniyalik Jek Dreyper, serbiyalik Novak Jokovich, italiyalik Lorenco Muzetti avvalgi o'rinlariga nisbatan ko'tarilib olishdi.  

ATP reytingi. 9 iyun holatiga ko'ra Top-10:

1 (1) Yannik Sinner (Italiya) -10 880 ochko

2 (2) Karlos Alkaraz (Ispaniya) - 8 850

3 (3) Aleksandr Zverev (Germaniya)- 6 385

4 (5) Jek Dreyper (Buyuk Britaniya) - 4 800

5 (6) Novak Jokovich (Serbiya) - 4 630

6 (7) Lorenco Muzetti (Italiya) - 4 560

7 (4) Teylor Fritc (AQSH) - 4 485

8 (11) Tommi Pol (AQSH) - 3 510

9 (10) Xolger Rune (Daniya) - 3 440

10 (9) Aleks De Minaur (Avstraliya) - 3 285

O'zbekistonlik tennischilarning ATR reytingidagi o'rni:

227 (223). Humoyun Sultonov - 247 (-3)  

447 (453). Sergey Fomin - 99 (+3) 

1052 (1734). Maksim SHin - 12 (+10)

1409 (1679) Amir Milushev - 4 (+2)

1771T. Botir Sapaev - 1 (+1)  

1867T. Abdulaziz Usmonjonov - 1 (+1)

1962T. Damir Abdusamadov - 1 (+1) 

1860 (1962T). Rahimbek Ibrohimov - 1