ATP reytingi. Tennischilarimizning bu hafta uchun o'rinlari qanday?

Yangilangan reytingdan 7 nafar tennischimiz joy olgan. Mamlakatimizning birinchi raketkasi Humoyun Sultonov o'tgan haftadagi o'rniga nisbatan 3 pog'ona yuqorilab, ayni paytda 294-o'rindan joy olgan. Afsuski, qolgan barcha tennischilarimiz reytingda pastlashdi. Ikkinchi raqamli tennischimiz Sergey Fomin 3, uchinchi raketkamiz Maksim SHin 13, Amir Milushev 9, Botir Sapaev 14, Abdulaziz Usmonjonov 8, Damir Abdusamadov esa 73 o'ringa quyiga sho'ng'igan.

Dunyo tennischilarining Top-10`taligida bitta o'zgarish kuzatildi. Rossiyalik Karen Xachanov yana Top-10`talikka qaytib, 9-o'ringa joylashdi. Qolgan tennis yulduzlari o'tgan haftadagi o'z o'rinlarini saqlab qolishdi. Italiyalik Yannik Sinner katta farq bilan peshqadamligini davom ettirmoqda. Faqat u 550 ochko yo'qotdi. Ikkinchi o'rindagi ispaniyalik Karlos Alkaraz esa aksincha, hisobiga 650 ochko qo'shib olishga muvaffaq bo'ldi. Germaniyalik Aleksandr Zverev kuchli uchlikni yakunlab bergan.

ATP reytingi. 18 avgust holatiga ko'ra Top-10:

1 (1) Yannik Sinner (Italiya) - 11 480

2 (2) Karlos Alkaras (Ispaniya) - 9 240

3 (3) Aleksandr Zverev (Germaniya) - 6230

4 (4) Teylor Fritc (AQSH) - 5575

5 (5) Jek Dreyper (Buyuk Britaniya) - 4440

6 (6) Ben SHelton (AQSH) - 4280

7 (7) Novak Jokovich (Serbiya) - 4130

8 (8) Aleks De Minaur (Avstraliya) - 3545

9 (12) Karen Xachanov (Rossiya) - 3240

10 (10) Lorenco Muzetti (Italiya) - 3235

O'zbekistonlik tennischilarning ATR reytingidagi o'rni:

294 (297). Humoyun Sultonov - 176 

481 (478). Sergey Fomin - 86 (+1)

1017 (1004). Maksim SHin - 14 

1269T (1260T) Amir Milushev - 6 

1802T (1788T). Botir Sapaev - 1   

1890T (1882T) Abdulaziz Usmonjonov - 1

2059T (1986T). Damir Abdusamadov - 1