ATP reytingi. Top-10`da yangi mehmon, tennischilarimizda vaziyat chatoq

Yangilangan reytingdan xuddi o'tgan haftada bo'lgani singari 8 nafar tennischimiz joy olgan. Lekin etakchi raketka ustalarimiz reytingda pasayishgan. Mamlakatimizning birinchi raketkasi Humoyun Sultonov 3, ikkinchi raqamli tennischimiz Sergey Fomin 4, uchinchi raketkamiz Maksim SHin esa o'tgan hafta bilan taqqoslaganda 2 pog'onaga pastlagan. 

Aksincha, oz bo'lsa-da, Amir Milushev 4, Batir Sapaev 2, Abdulaziz Usmonjonov 1 pog'onaga ko'tarilgan. Damir Abdusamadov va Rahimbek Ibrohimov bir xilda 6 pog'onaga quyiga "sho'ng'ishdi". 

Dunyo tennischilarining Top-10`taligida bir nechta o'zgarish kuzatildi. SHtutgart turniri chempioni Teylor Fric Top-5`ga qaytdi. Jek Dreyper esa aksincha, 4-o'rindan 6-pog'onaga tushdi. SHtutgart turniri yarim finalchisi Ben SHelton Top-10`talikda debyut qildi. Xertogenbosdagi chempionlik ochkolarini himoya qila olmagan Aleks De Minaur Top-10`talikni tark etdi. Italiyalik Yannik Sinner hamon dunyoning birinchi raketkasi bo'lib turibdi. Karlos Alkaraz va Aleksandr Zverev kuchli uchlikdagi o'rinlarini saqlab qolishdi. 

ATP reytingi. 16 iyun holatiga ko'ra Top-10:

1. (1) Yannik Sinner (Italiya) - 10880 ochko

2. (2) Karlos Alkaras (Ispaniya) - 8850

3. (3) Aleksandr Zverev (Germaniya) - 6500

4. (7) Teylor Fric (AQSH) - 4735

5. (5) Novak Jokovich (Serbiya) - 4630

6. (4) Jek Dreyper (Buyuk Britaniya) - 4550

7. (6) Lorenco Muzetti (Italiya) - 4470

8. (8) Tommi Pol (AQSH) - 3470

9. (9) Xolger Rune (Daniya) - 3440

10. (12) Ben SHelton (AQSH) - 3170

O'zbekistonlik tennischilarning ATR reytingidagi o'rni:

230 (227). Humoyun Sultonov - 247   

451 (447). Sergey Fomin - 99  

1054 (1052). Maksim SHin - 12 

1405 (1409) Amir Milushev - 4 

1769 (1771T). Botir Sapaev - 1   

1866T (1867T) Abdulaziz Usmonjonov - 1

1968T (1962T). Damir Abdusamadov - 1 

1968 (1962T). Rahimbek Ibrohimov - 1