ATP reytingida peshqadam o'zgardi, Jokovich ko'tarildi. Sultonov 71 pog'onaga pastladi

Yangilangan reytingdan hamon 7 nafar tennischimiz joy olgan. Mamlakatimizning birinchi raketkasi Humoyun Sultonov 29 ochko yo'qotishi natijasida 71 pog'onaga pastlab, ayni paytda 402-o'rindan joy olgan. To'rtinchi raketkamiz Amir Milushev 76 pog'onaga pastladi. Maksim SHin 15, Damir Abdusamadov 3 o'ringa yuqoriladi. Afsuski, qolgan tennischilarimiz reytingda pastlashdi. Ikkinchi raqamli tennischimiz Sergey Fomin 9, Botir Sapaev 14, Abdulaziz Usmonjonov 5 o'rin quyiga sho'ng'igan.

Dunyo tennischilarining Top-10`taligida bir nechta o'zgarish kuzatildi. US Open chempioni Karlos Alkaras reyting peshqadamiga aylanib oldi. Finalda yutqazgan Yannik Sinner endi dunyoning ikkinchi raketkasi. AQSH Ochiq chempionati yarim finalchisi Novak Jokovich 7-pog'onadan 4-o'ringa ko'tarildi. 

ATP reytingi. 8 sentyabr kun holatiga ko'ra Top-10:

1. (2) Karlos Alkaras (Ispaniya) - 11540 ochko

2. (1) Yannik Sinner (Italiya) - 10780

3. (3) Aleksandr Zverev (Germaniya) - 5930

4. (7) Novak Jokovich (Serbiya) - 4830

5. (4) Teylor Fric (AQSH) - 4675

6. (6) Ben SHelton (AQSH) - 4280

7. (5) Jek Dreyper (Buyuk Britaniya) - 3690

8. (8) Aleks De Minaur (Avstraliya) - 3545

9. (10) Lorenco Muzetti (Italiya) - 3505

10. (9) Karen Xachanov (Rossiya) - 3280...

O'zbekistonlik tennischilarning ATR reytingidagi o'rni:

402 (331). Humoyun Sultonov - 122 (-29) 

492 (483). Sergey Fomin - 86 (-1)

1002 (1017). Maksim SHin - 15 (+1) 

1343T (1267T) Amir Milushev - 5 (-1) 

1815T (1801T). Botir Sapaev - 1   

1904T (1899T) Abdulaziz Usmonjonov - 1

2062T (2065T). Damir Abdusamadov - 1