Australian Open. 30 ta eys qayd etilgan bahsda Rublyov g'alaba qozondi

Dunyoning beshinchi raketkasi bo'lib turgan Andrey Rublyov to'rtinchi davraga yo'l oldi. Rossiyalik tennischi uchinchi davra uchrashuvida ATP  reytingida 26-pog'onada borayotgan amerikalik Sebastyan Kordani uch set natijasiga ko'ra mag'lubiyatga uchratdi - 6/2, 7/6(6), 6/4.

Bu tennischilarning o'zaro o'tkazgan uchinchi uchrashuvi edi - 3:0. Roppa-rosa ikki soatlik bahsda Rublyov 12, Korda 18 ta eys zarbasini amalga oshirgan. Qo'shxatolar Kordada ko'proq bo'ldi 5 ga 3. Andreyning 3 ta breykiga amerikalik tennischi javob qaytara olmadi. Endi Rublyov Australian Open 1/4 final chiptasi uchun avstraliyalik Aleks De Minaurga qarshi kortga chiqadi.