15 jan 10:49
Yangiliklar

Tennis

Australian Open. Karlos Alkaraz raqibini deyarli "sezmadi"

Dunyoning uchinchi raketkasi Karlos Alkaraz tennis bo'yicha "Katta Dubulg'a" turkumiga kiruvchi Avstraliya Ochiq chempionatining uchinchi davrasiga yo'l oldi.

Ispaniyalik 21 yoshli tennischi ikkinchi davra uchrashuvida ATP reytingida 65-pog'onasida borayotgan yaponiyalik Yosixito Nisiokani ortiqcha qiyinchiliksiz mag'lubiyatga uchratdi - 6:0, 6:1, 6:4.

Sakson bir daqiqa davom etgan bahsda Alkaraz 13 ta eys, 2 ta qo'shxato va 6 ta breyk-poyntga erishdi. Endi u uchinchi bosqichda dunyoning 27-raketkasi Jordan Tompsonga qarshi kortga chiqadi. Avstraliyalik tennischi Australian Open ikkinchi davrasida ATP reytingida 33-o'rinda borayotgan portugaliyalik Nunu Borjeshdan ustun kelgan.