Australian Open. Saralashdan asosiy to'rga chiqqan tennischi 1/2 finalda, u 46 yillik rekordni yangiladi

Ayollar o'rtasidagi musobaqaning asosiy to'riga saralash bahslari orqali etib kelgan Dayana Yastremskaya 1/4 finalda dunyoning roppa-rosa 50-raketkasi, chexiyalik Linda Noskovani mag'lubiyatga uchratdi - 6/3, 6/4. Ukrainalik 23 yoshli tennis malikasi WTA reytingida 93-pog'onadan joy olgan. 

Tennischilarning o'zaro ilk uchrashuvi 80 daqiqa davom etgan. Noskova 4, Yastremskaya 3 ta eys zarbasini amalga oshirdi. Dayana onlayn reytingda Top-30`da debyut qildi. Endi u Australian Open final chiptasi uchun rossiyalik Anna Kalinskaya hamda xitoylik CHjen Cinven bahsi g'olibiga qarshi kortga chiqadi.

Dayana ushbu olamshumul g'alabasi evaziga 1978 yili o'rnatilgan rekordni yangilashga muvaffaq bo'ldi. SHuningdek, u Avstraliya Ochiq chempionati 1/2 finaliga etib kelgan ilk ukrainalik tennischiga ham aylandi. Elina Svitolina ham uch bor "Katta Dubulg'a" turnirlari 1/2 finalida o'ynagan, lekin Australian Open`da emas.