21 sen 13:42
Yangiliklar
Boks/MMA
![](/upload/storage/86729_220.jpg)
Bahodir Jalolov - Kamshibek Konkabaev. O'zaro hisob-kitob qanday?
Bugun eng og'ir vaznli bokschimiz Bahodir Jalolov Ekaterinburgdagi jahon chempionati finalida jang qiladi.
Oltin medal uchun jangda hamyurtimizga qozog'istonlik Kamshibek Konkabaev raqiblik qiladi. Bokschilar shu kungacha o'zaro 4 marotaba to'qnash kelishgan. Qizig'i, hozircha o'rtadagi hisob - 2:2. Ikki marotaba Bahodir Jalolov g'alaba qozongan bo'lsa (Toshkent-2017, Bangkok-2019), ikki marotaba Konkabaevning qo'li baland kelgan (WSB-2017, Gamburg-2017).
Bugun JCH finalida o'tkaziladigan jangda kimdir oldinga chiqib oladi. Umid qilamizki, o'sha bokschi Bahodir Jalolov bo'ladi.
Eslatib o'tamiz, bugun JCH finallari soat 19:00 da start oladi. Unda 4 nafar bokschimiz oltin medal uchun jang qiladi.
Havola :
Manba : olamsport.com
Fikrlar