Bahodir Jalolov va Isroil Madrimov talabalarni qutladi

Mazkur musobaqalarda O'zbekiston davlat jismoniy tarbiya va sport universiteti hamda O'zbek + Belarus qo'shma jismoniy tarbiya, sport va turizm fakultetining magistrlari mini-futbol, voleybol, stol tennisi, armrestling, engil atletika va arqon tortish bo'yicha o'zaro bellashdi.

Tadbirda xalqaro toifadagi sport ustalari, boks bo'yicha jahon chempionlari Bahodir Jalolov hamda Isroil Madrimov ishtirok etdi.

So'nggi paytlarda o'tkazilayotgan nufuzli xalqaro musobaqalarda vatanimiz shanini munosib himoya qilib kelayotgan yurtimiz faxri bo'lgan bu sportchilar ayni paytda universitetning 1-bosqich magistratura talabalari hisoblanadi.

Tadbirda Bahodir Jalolov hamda Isroil Madrimov so'zga chiqib, musobaqa muhtaram Prezidentimizning yoshlar manaviyatini yuksaltirish va ularning bo'sh vaqtini mazmunli tashkil etish bo'yicha 5 ta muhim tashabbusi ijrosini taminlash va yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish hamda jismoniy tarbiya va sportni targ'ib etish va ommalashtirish maqsadida tashkil etilganini takidlab, O'zbekiston Respublikasi Konstituciyasi qabul qilinganligining 27 yilligi munosabati bilan universitet professor-o'qituvchilarini, talabalarni tabrikladi.

Musobaqada umumjamoa hisobida birinchi o'rinni universitetning 1-kurs magistrlar jamoasi, ikkinchi o'rinni universitetning 2-kurs magistrlar jamoasi, uchinchi o'rini O'zbek + Belarus qo'shma jismoniy tarbiya, sport va turizm fakultetining magistrlar jamoasi egallashdi.

Musobaqa yakunida ishtirokchilarga tashkilotchilar tomonidan medal va esdalik sovg'alari topshirildi.