Basketbol bo'yicha respublika final bosqichi Navoiyda start olmoqda

Navoiy shahri mezbonlik qilayotgan ushbu musobaqada akademik licey va professional talim muassasalari o'quvchi-yoshlaridan tashkil topgan 4 ta hudud: Qoraqalpog'iston Respublikasi, Samarqand, Farg'ona va Jizzax viloyati terma jamoalari respublika chempionligi uchun kurash olib boradilar.

Malumot uchun, «Barkamol avlod» sport o'yinlari respublika final bosqichida hozirgacha jami 8 ta musobaqa o'tkazildi. Final bosqichi doirasida yana badminton, basketbol, belbog'li kurash, stol tennisi, shaxmat va shashka sport turlari bo'yicha jami 6 ta musobaqa bo'lib o'tadi.

Eslatib o'tamiz, 12 ta sport turidan o'tkaziluvchi ushu musobaqalar yakunida 14 ta hududning to'plagan ochkolari hisobiga ko'ra umumjamoa hisobida g'oliblikni qo'lga kiritgan hudud aniqlanadi.