Bax Pekin-2022 Olimpiadasiga tayyorgarligiga baho berdi

Bax bu haqida Pekinda bo'lib o'tayotgan qishki sport turlari bo'yicha yirik onlayn ko'rgazmaga bag'ishlangan video-muloqot paytida malum qildi.

“XOQ olib borilayotgan tayyorgarlik jarayonidan benihoya mamnun va biz barchamiz sabrsizlik bilan Xitoy sport tarixiga yozilajak yangi sahifani kutmoqdamiz. Albatta, pandemiya tufayli, bazilarda ertangi kunga ishonchsizlik bor, biroq shunga qaramay, keyingi qishki Olimpiya va Paralimpiya o'yinlariga tayyorgarlik sezilarli ravishda oldinga siljidi.

Biz har kuni bu global inqiroz hayotimizning har bir jabhasiga o'tkazayotgan tasiri haqida bilib olayapmiz. Bu borada Pekinda bo'lib o'tayotgan onlayn ko'rgazma qishki sport turlariga qiziqishni oshirish va uni tiklash yo'lida juda samarali loyiha hisoblanadi. SHuningdek, 2022 yilgi qishki Olimpiya o'yinlari Pekinda o'tishini va ushbu Olimipiadada eng kuchli sportchilar ishtirok etishini hisobga olsak, bo'lib o'tayotgan onlayn ko'rgazma bu borada muxim qadamlardan biri sanaladi”, – deya etirof etdi XOQ prezidenti.

Takidlash joiz, World Winter Sports Expo beshinchi bor o'tkazilmoqda va u 9 sentyabrga qadar davom etadi.