Bayroqdan jilo olgan sport libos!

Bugun bunday sharafga erishgan, jahon maydonlarida jonajon Vatanimiz shuhratiga shuhrat qo'shgan, O'zbekistonning betimsol bayrog'ini dunyo uzra sarbaland etgan sportchilarimiz juda ko'p va ular safi yildan-yilga kengayib bormoqda.

Haqiqatan, sportchilarimizning g'alabasi sharafiga kutariladigan O'zbekiston bayrog'i g'ururmiz timsolidir. Bugun bu iftixor milliy sportimiz kurashning libosi sifatida dunyo kurashchilarini birlashtirib turganligi ham etiborli holat. 

Zero, bugun dunyoning qaysi bir hududida mamlakat yoki qita chempionati va yo Osiyo o'yinlari bo'ladimi, qo'yinki har qanday kurash musobaqasida sportchilar kurash yaktagida, yani bayrog'imizdan jilo olgan sport liboslarida bellashishadi, maydon aylanishadi.

Olis Dominikandan tortib, Hindiston, Angliya yoki Afrika davlatlarida o'tkazilayotgan kurash musobaqalari aynan O'zbekiston bayrog'idan jilo olgan yaktaklarda o'tkazilayotganligini hamda bugun dunyoning 130 dan oshiq davlatlarida kurash federaciyalari faoliyat yuritayotganligini etiborga olsak, ular uchun ham O'zbekiston bayrog'i qanchalik ahamiyatli ekanligini ko'rishimiz mumkin.

Kurashning dunyo sportiga aylanganligi, jahonning 15 milliondan oshiq yoshlari bugun milliy sportimiz kurash bilan shug'ullanayotganligi betimsol hur bayrog'imizning qadri va qudrati ikki yuzdan ortiq davlatlarning ramzlari orasida nechog'li yuksakligidan dalolatdir.

Ishonamizki, sportchilarimizning g'alabalari sharafiga hilpirayotgan O'zbekiston bayrog'i kelajakda kurash O'zbek sporti sifatida Olimpiya o'yinlaridan joy olganda olimp maydonlarida dunyo yoshlarining egnida bundanda yorqinroq jilolansa, ne tong. 

Yutuqlar o'z o'zidan qo'lga kiritilmaydi. G'alabalar ortida sohaga etibor, yoshlarga g'amxo'rlik va albatta o'lkan mehnat, tinimsiz izlanishlar, murabbiyu mutaxassislarning jonfidoligi, hamjihatligi mujassam. 

To'lqin RO'ZIEV tayyorladi