Bayroqdorimiz Elshod Rasulovni qo'llab-quvvatladi

Bu haqda u “Feysbuk”dagi o'z sahifasida xabar qoldirdi.  

Elshod Rasulov – bizning faxrimiz! U O'zbekistonda xizmat ko'rsatgan sportchi, ko'p karra Osiyo chempioni, jahon chempionatlari sovrindori, ko'plab xalqaro musobaqalar g'olibi, uch karra Osiyo o'yinlari g'olibi. Boz ustiga oxirgi Osiyo o'yinlarida u singan qo'li bilan jang qilishiga qaramay, g'alaba qozongandi.

U haqiqiy jangchi. Afsuski, jiddiy va shavqatsiz raqobatda unga omad omad kulib boqmadi. Mutaxassislar so'zi bilan aytganda “yonib” ketdi. Terma jamoamiz tarkibidagi eng tajribali bokschi bo'lgani uchun ham unda katta masuliyat bor edi. Bu ham Rasulovga pand berdi. Men Elshod akani oqlayotganim yo'q. Uni oqlash va himoya qilish shart emas. U mamlakatimizning eng sovrindor bokschilaridan biri bo'lib qoladi. Unga havas qilib boksni tanlagan yoshlar juda ham ko'p. Bundan keyin ham Elshod Rasulov bolalarning kumiri bo'lib qoladi.

O'z o'rnida biz ham Bahodir Jalolovning fikrlariga qo'shilgan holda barcha sportchilarimizga, xususan bokschilarimizga oldinda turgan janglarda omad tilab qolamiz. Unutmang, g'alaba va mag'lubiyat hamisha yonma-yon bo'lgan.