Bekzod Xidirov: O'zbekistonga yorug' yuz bilan qaytamiz!

Quvonarlisi, bellashuvlarda ishtirok etayotgan yosh charm qo'lqop ustalarimizning barchasi g'alabali yurishni davom ettirmoqda. 14 nafar bokschimizning barchasi yarim final yo'llanmasini qo'lga kiritdi. O'zbekiston boks federaciyasi matbuot xizmati ushbu muvaffaqiyatli natijadan so'ng terma jamoamiz murabbiyi Bekzod Xidirovning fikrlari bilan qiziqdi. 

"Ushbu musobaqa qitamizda ilk marotaba tashkil etilmoqda. Kichik o'smirlar o'rtasidagi musobaqada asosan 2004 va 2005 yillarda tug'ilgan yosh bokschilar ishtirok etishmoqda. Mazkur chempionat orqali 2022 yilgi o'smirlar Olimpiya o'yinlarida ishtirok etuvchi iqtidorlarni saralab olish maqsad qilingan. 

Musobaqa haqida gapiradigan bo'lsam, daraja yuqori. Bahslarda Osiyoning 21 mamlakatidan 150 nafardan sportchi sovrinli o'rinlar uchun kurash olib bormoqda. Sportchilar saviyasi ham juda yaxshi. CHunki, boks qitamizda juda rivojlanib ketdi. Bellashuvlarda doimgidek qozog'istonlik bokschilar yaxshi qatnashishmoqda. SHuningdek, Hindiston, Arab mamlakatlari, Qirg'iziston, Tojikiston terma jamoasi azolari ham faol. 

CHempionat davomida bokschilarimiz o'z darajalarida jang qilishmoqda. Nasib qilsa, natijalarimiz yaxshi bo'ladi va yorug' yuz bilan O'zbekistonga qaytamiz degan niyatdaman", - dedi Bekzod Xidirov.

O'zbekiston boks federaciyasi matbuot xizmati