Belbog'li kurash bo'yicha terma jamoa azolari uchun tadbir tashkil etildi

Mazkur MDH davlatlari o'yinlari dasturidan belbog'li kurash sport turi ham o'rin olgan. Ushbu nufuzli musobaqada belbog'li kurash bo'yicha 14 nafar terma jamoamiz ham munosib ishtirok etishlari uchun bosh murabbiy Usmon Mahamatov boshchiligida CHirchiq olimpiya zaxiralari kollejida 20-29 avgust kunlari o'quv-mashg'ulot yig'inlarini o'tkazishdi.  

O'quv-mashg'ulotlari yakunlangach, kecha 29 avgust kuni O'zbekiston belbog'li kurash federaciyasi CHirchiq shahar hokimligi, “Adolat” SDP CHirchiq shahar kengashi hamda “Adolat” SDPning “Yosh adolatchilar” qanoti Toshkent viloyati Kengashi bilan hamkorligida CHirchiq shahrida ushbu terma jamoaning musobaqaga ketish oldi va Mustaqilligimizning 30 yilligi munosabati bilan bayram dasturxoni yozib, o'ziga xos kuzatuv tadbirini o'tkazishdi.

Tadbirda CHirchiq shahar hokimi Sanjar Yusupov, sektor rahbarlari, O'zbekiston belbog'li kurash federaciyasi raisi Ravshan Dastirov va boshqalar ishtirok etib, sportchilarning MDH davlatlari o'yinlarida munosib ishtirok etib, kuchlilar qatoridan joy olishini va oltin medallarni qo'lga kiritib, vatanimiz bayrog'ini eng baland ko'tarilishida bor mahoratlarini namayon etishlarini takidlab, ularga nufuzli bellashuvlarda omad tilashdi.

Tadbir so'nggida CHirchiq shahar hokimligi hamda “Yosh adolatchilar” qanoti Toshkent viloyati Kengashi tomonidan terma jamao azolariga esdalik sovg'alari ulashildi.

Ilhom RAHMONOV tayyorladi