23 noy 17:22
Yangiliklar

Kurash

Belbog'li kurash. Ertaga Qo'rg'ontepada ochiq turnir o'tkaziladi

Ertaga, 24 noyabr kuni Andijon viloyati Qo'rg'ontepa tumani markazidagi aholi dam olish istirohat bog'idagi maxsus kurash arenasida belbog'li kurash bo'yicha Andijon viloyat hokimi sovrini uchun Respublika ochiq turniri o'tkaziladi.

O'zbekiston Respublikasi Jismoniy tarbiya va sport vazirligi hamda O'zbekiston belbog'li kurash federaciyasining yillik taqvim-rejasidagi ushbu ochiq turnirda Qoraqalpog'iston Respublikasi, Toshkent shahri va viloyatlar, qo'shni Tojikiston hamda Qirg'iziston Respublikalaridan bir yuz ellik nafarga yaqin nomdor polvonlarning ishtirok etishi kutilmoqda.

Mazkur Respublika ochiq turnirida erkaklar -73, -90 va +90 kg vazn toifalarida bellashishadi. Ertangi musobaqa yuqori saviyada o'tishi uchun viloyat hokimligi, viloyat jismoniy tarbiya va sport boshqarmasi, viloyat belbog'li kurash federaciyasi, Qo'rg'ontepa tuman hokimligi tomonidan qizg'in tayyorgarlik ko'rilgan.