Belbog'li kurash. Jizzaxda O'zbekiston Kubogi o'tkazildi

O'zbekiston Respublikasi Jismoniy tarbiya va sport vazirligi hamda O'zbekiston belbog'li kurash federaciyasining yillik taqvim-rejasidagi mazkur O'zbekiston kubogida Qoraqalpog'iston Respublikasi, Toshkent shahri va viloyatlardan yuz nafardan ortiq polvonlar belbog'li kurashning klassik yo'nalishida -55, -60, -66, -73, -81, -90, -100 va +100 kg. vazn toifalarida g'oliblik uchun kuch sinashishdi. 

Takidlash lozim, mazkur kubok bahslarida Jizzax viloyati hokimligi, viloyat prokuraturasi tomonidan ko'rsatilgan tashabbus va rag'bat musobaqaning yuqori saviyada, shiddatli va murosasiz o'tishini taminladi. 

O'zbekiston kubogi g'oliblari:

-55 kg. Diyorxo'ja Mo'ydinov (Farg'ona)

-60 kg. Husan Nosirov (Andijon)

-66 kg. Jasurbek Sotivoldiev (Farg'ona)

-73 kg. Sardorbek Madaminov (Andijon)

-81 kg. Husniddin Ro'ziev (Jizzax)

-90 kg. Muhammadmahmud Ashurov (Andijon)

-100 kg. Azamjon Anvarjonov (Jizzax)

+100 kg. SHerzod Rahimov (Farg'ona)

Musobaqa yakuniga etgach, taqdirlash marosimi tashkil etildi. Kuchli uchlikdan joy olgan sportchilar tashkilotchilar tomonidan medal, diplom va qimmatbaho esdalik sovg'alari bilan taqdirlanishdi.  

Ilhom RAHMONOV tayyorladi