Belbog'li kurash. Jizzaxda O'zbekiston Kubogiga start berildi

O'zbekiston Respublikasi Jismoniy tarbiya va sport vazirligi hamda O'zbekiston belbog'li kurash federaciyasining yillik taqvim-rejasidagi mazkur O'zbekiston kubogida Qoraqalpog'iston Respublikasi, Toshkent shahri va viloyatlardan yuz nafardan ortiq polvonlar -55, -60, -66, -73, -81, -90, -100 va +100 kg. vazn toifalarida kuch sinashishmoqda. Musobaqa doirasida shuningdek, kunning birinchi yarimida tantanali ochilish marosimi ham tashkil etildi. 

Toshkentboy YAXSHIBOEV, O'zbekiston belblog'li kurash federaciyasi hakamlar hayati raisi:

- Har qanday bellashuvning munosib tarzda, murosasiz  o'tishida hakamlar tomonidan sportichilarning har bir harakatlarini to'g'ri baholab borish o'ta muhim sanaladi. Ishonch bilan aytishim mumkinki, ushbu musobaqada ham etirozlarsiz, odillik tamoyillari asosida o'tadi. SHuningdek, federaciyamiz kengashi tomonidan musobaqada terma jamoamiz uchun nomzodlarni aniqlab boryapmiz.

Bellashuvlar yakuniga etgach, musobaqa jarayonlari bilan to'liq tanishishingiz mumkin.

Ilhom RAHMONOV tayyorladi