Belbog'li kurash. Namanganda O'zbekiston chempionati boshlandi

O'zbekiston Respublikasi jismoniy tarbiya va sport vazirligi hamda O'zbekiston belbog'li kurash federaciyasining yillik taqvim-rejasidagi mazkur chempionatda Qoraqalpog'iston Respublikasi,Toshkent shahri va barcha viloyatlardan 300 nafarga yaqin yosh polvonlar ishtirok etishmoqda. 

Mamlakat chempionatida o'g'il bolalar belbog'li kurashning erkin va klassik usullarida o'nta vazn toifasida, qizlar erkin yo'nalishda ettita vazn toifasida g'oliblikuchun kurash tushishmoqda. SHuningdek, musobaqa doirasida chempionatning tantanali ochilish marosimi ham tashkil etildi. 

Marosimda Namangan tuman hokimi Sadriddin Mo'minov, Namangan viloyat jismoniy tarbiya va sport boshqarmasi boshlig'i SHokirjon Qoraboev, O'zbekiston belbog'li kurash federaciyasi bosh kotibi Abdixalil Malikov, belbog'li kurash bo'yicha terma jamoa bosh murabbiiy Azamjon SHokirjonov, Namangan viloyat belbog'li kurash federaciyasi bosh murabbiiy Nematullo To'ychiev so'zga chiqishdi. 

Ular mamlakatimizda jismoniy tarbiya va sportga qaratilayotgan yuksak etibor bois, yoshlarimizning xalqaro sport arenalaridagi salmoqli natijalari xususida alohida to'xtalishar ekan, musobaqada ishtirok etayotgan yosh sportchilarning ham kun kelib jahon chempionatlari, olimpiya o'yinlarida Yurt shani uchun bor mahoratlarini namoyish etib, g'oliblikni tantana qilishlariga ishonch bildirdi. 

SHundan so'ng Namangan tuman jismoniy tarbiya va sport bo'limi, bolalar va o'smirlar sport maktabi tashabbusi bilan sportchi jamoalarning ko'rgazmali chiqishlari, ochilish marosimiga yanayam ko'taringkilik bag'ishladi. Musobaqa 20 oktyabrga qadar davom etadi.

Ilhom RAHMONOV, o'z muxbirimiz