Belbog'li kurash. Yosh polvonlar Namangan tumanida kuch sinashishdi

O'zbekiston Respublikasi Jismoniy tarbiya va sport vazirligi hamda O'zbekiston milliy belbog'li kurash federaciyasining yillik taqvim-rejasidagi mazkur mamlakat chempionatida Qoraqalpog'iston Respublikasi, Toshkent shahri va viloyatlardan uch yuz nafarga yaqin sportchilar ishtirok etishdi. 

Musobaqada o'g'il bolalar erkin va klassik yo'nalishlarda o'n bitta vazn toifalarida, qizlar esa erkin yo'nalishda ettita vazn toifasida kuch sinashishdi. Murosasiz va shiddatli bahslarga boy bo'lgan bellashuvlarning yakuniy natijalariga ko'ra, quyidagi o'g'il-qizlar g'oliblik shohsupasiga  ko'tarilishdi.

O'g'il bolalar (klassik yo'nalish)

27 kg. 1. Bahodirjon Olimov (Farg'ona) 

30 kg. 1. Janaris SHinbatirov  (Qoraqalpog'iston)

33 kg. 1. Akbarjon Sobirjonov (Andijon)

36 kg. 1. Sohibjon Boymatov (Toshkent)

40 kg. 1. Samandar Soliev (Farg'ona)

44 kg. 1. Bumosher Sobirov (Andijon)

48 kg. 1. Asadbek Ikromov (Namangan)

52 kg. 1. Umarbek Umrzoqov (Farg'ona)

55 kg. 1. Nodirbek G'ofurov (Samarqand)

60 kg. 1. Dilyorbek Azizullaev (Andijon)

+60 kg. 1 Otabek Mirzanazarov (Farg'ona)

Qizlar (erkin yo'nalish)

33 kg. 1. Nafisaxon Ravshanova (Andijon)

36 kg. 1. Gulsanam Rahmatullaeva (Namangan)

40 kg. 1. Juldiz Karazova (Qoraqalpog'iston)

44 kg. 1. Eldora Alimboeva (Qoraqalpog'iston)

48 kg. 1.O'g'iloy Kamoliddinova  (Andijon)

52 kg. 1. Zilola Yigitalieva (Namangan)

+52 kg. 1. Ruxshonaxon Madaminova (Andijon)

O'g'il bolalar (erkin yo'nalish)

27kg. 1.Fayozbek Sobirjonov (Namangan)

30 kg. 1. Abdumajid Hasanboev (Andijon)

33kg. 1. Mirzaabdal Miraxmatov (Toshkent v.)

36 kg. 1. Abdulazizxon Muhammadov (Farg'ona)

40 kg. 1.Ilyos Yo'ldoshev (Sirdaryo)

44 kg. 1. Asilbek Tojiboev (Sirdaryo)

48 kg.1. Umidillo Yoqubjonov (Andijon)

52 kg. 1. Izzatullo Abdukarimov (Farg'ona)

60 kg. 1. Biloliddin Mamadiyorov (Farg'ona)

+60 kg. 1. SHamsutdin Kanakoev (Qoraqalpog'iston)

+71 kg. 1.Boburbek Madaminov (Farg'ona)

Musobaqa yakuniga etgach, taqdirlash marosimi tashkil etildi. G'olib va sovrindor sportchilar Namangan tuman hokimligi, “Adolat” SDPning viloyat kengashi, viloyat belbog'li kurash federaciyasi homiyligidagi qimmatbaho esdalik sovg'alari hamda   medal va diplom  bilan mukofotlanishdi. 

Qodir ERNAZAROV, Tayloq ixtisoslashtirilgan olimpiya zaxiralari maktab-internati belbog'li kurash murabbiyi: 

- Musobaqa yuqori saviyada tashkil etilgan, buning uchun tashkilotchilarga shogirdlarimiz nomidan rahmat. Milliy sport turimiz bo'lgan belbog'li kurash bugun nafaqat vodiy viloyatlarida balki voha tomonlarda ham rivojlanib ulgurganiga bugungi bellashuvlar jarayoni ham isbotlab turibdi. Viloyatimiz polvonlari ham Osiyo va jahon chempionatlarida g'olib va sovrindorlar qatoridan joy olishga muvaffaq bo'lishmoqda. Bugungi chempionatda 55 kg. vaznda kurash tushgan shogirdimiz Nodirbek G'ofurov barcha raqiblarini engib chempion bo'ldi, bundan xursandmiz. SHu o'rinda shogirdlarimizning qulay sharoitlarda shug'ullanish imkoniyatlari yaratilayotgani uchun Tayloq ixtisoslashtirilgan olimpiya zaxiralari maktab-internati rahbariyatiga, ustozlarimizga minnadorchilik bildiramiz.

Toshkentboy YAXSHIBOEV, O'zbekiston belbog'li kurash federaciyasi hakamlar hayati raisi: 

- Ushbu chempionatda to'rt nafar birinchi toifali, besh nafar xalqaro toifadagi, yigirma bir nafar respublika toifasidagi hakamlarimiz ish olib borishdi. Musoboqani adolatli o'tishida, hech qanday etirozlar bo'lmasligi uchun hakamlarimiz deyarli bexato hakamlik qilishdi, deb o'ylayman. Bunda xalqaro toifadagi ustoz - hakamlarimizning ish uslublari yosh hakamlarimizning kurash maydonida to'g'ri va adolatli hakam sifatida ish olib borishi dastur bo'lmoqda,  deyish mumkin. Muxlislar, tomashabinlar sinchkov bo'lishadi. Ayniqsa, muxlislik qilayotgan polvonining kurash jarayonlarini sinchkovlik bilan kuzatib borishadi. Bunday paytda hakamning to'g'ri qaror qabul qilishi juda muhim.  Hakamlarimiz ishtirokida ularning hakamlikdagi bilimlarini boyitish maqsadida rejaga muvofiq, o'quv-seminarlar tashkil etib boramiz. 

Doniyor NIZOMOV, Namangan tuman jismoniy tarbiya va sport bo'limi boshlig'i:

- Belbog'li kurash bo'yicha O'zbekiston chempionatining bizning tumanda o'tishi yoshlarimizning sportga, kurash turlariga, belbog'li kurashga bo'lgan qiziqishi ortishiga xizmat qildi, deb o'ylayman. Ko'rib turganingizdek, musobaqa maydoni, yani sport zali joriy yilda yangidan bunyod etilib, foydalanishga topshirildi. 18/42 o'lchamdagi muhtasham sport zalida endi har qanday bellashuvlarni o'tkazish imkoniyati yaratilgan. Mazkur musobaqaning munosib tarzda o'tishida tuman hokimligi, viloyat jismoniy tarbiya va sport boshqarmasi, viloyat belbog'li kurash federaciyasi hamkoriligida tayyorgarlik ishlarini olib bordik. Albatta, O'zbekiston Respublikasi jismoniy tarbiya va sport vazirligiga, O'zbekiston belbog'li kurash federaciyasiga, hakamlar hayatiga, barcha musobaqa ishtirokchilariga minnatdorchilik bildiramiz. Boisi ushbu yosh toifasidagi O'zbekiston chempionatini aynan bizning tumanimizda o'tgani yuqorida takidlaganimdek, qaysidir manoda sportning ommaviyligi taminlaydi, o'g'il-qizlarimizning sportga bo'lgan mehrini yanayam oshiradi.

Ilhom RAHMONOV, o'z muxbirimiz