Belbog'li kurashchilarimiz BRIKS o'yinlariga yo'l olishyapti

Mazkur kompleks musobaqa dasturidan belbog'li kurash (tatar koreshi, borba na poyasax) sport turi ham o'rin olgan. Osiyo belbog'li kurash konfedraciyasi raisi Mo'min Murotov, O'zbekiston belbog'li kurash federaciyasi raisi Ravshan Dastirov boshchiligidagi dastlabki 14 nafar murabbiy va polvonlarimiz Islom Karimov nomidagi Toshkent xalqaro aeroportidan Qozon shahriga jo'nab ketishdi.  

Takidlash joiz, koresh bellashuvlariga 20 iyunda start beriladi. Bundan tashqari belbog'li kurash bo'yicha terma jamoa bosh murabbiy SHavkat Mirzaqulov hamda federaciya sport direktori Sardor Dastirov rahbarligidagi 20 nafar sportchilarmiz ham 

20 iyun kuni Qozon shahriga yo'l olishadi va 22 iyun kuni BRIKS o'yinlari dasturidagi  belbog'li kurash (borba na poyasax) bo'yicha bahslarda vatanimiz sharafini himoya qilishadi. 

SHuningdek, Qozon shahrida 23-24 iyun kunlari belbog'li kurash bo'yicha yoshlar va kattalar o'rtasida jahon chempionati ham bo'lib o'tadi. Bugun ushbu jahon chempionatida ishtirok etish uchun esa 10 nafar yoshlardan iborat terma jamoamiz (murabbiyi Jamoliddin Bozorov) Farg'ona aeroportidan Qozon shahriga uchishadi. 

Ilhom RAHMONOV tayyorladi