Benzemaning mashg'ulotlarga qaytish sanasi malum

Madridning "Real" klubi va Franciya terma jamoasi hujumchisi Karim Benzema 9 dekabr kuni mashg'ulotlarni davom ettiradi. "L'Equipe" xabariga ko'ra, 34 yoshli hujumchi tez orada "Real" ixtiyoriga etib boradi va individual mashg'ulotlarni boshlaydi.

Eslatib o'tamiz, Benzema JCH-2022 boshlanishi arafasida terma jamoaning mashg'uloti vaqtida jarohat olgan va shundan so'ng Franciya terma jamoasi safini tark etgandi. Benzema joriy mavsum "Real" safida La Ligada 7 ta o'yinda maydonga tushib, 5 ta gol urdi va 1 ta golli uzatmani amalga oshirdi.