Birinchi raketkamizning Manamadagi ertagi erta yakunlandi

Mukofot jamg'armasi 60 ming dollarni tashkil qiluvchi musobaqada hamyurtimiz Sergey Fomin ham o'z omadini sinab ko'rdi. Mamlakatimizning birinchi raqamli tennischiga aylanib olgan Fomin 1/4 finalda dunyoning 329-raketkasi, britaniyalik 23 yoshli Tobi Samuelga 4/6, 2/6 hisobida imkoniyatni boy berib qo'ydi. 

Sergey bungacha 1/16 final bosqichida amerikalik Dali Blanchni 6/7(2), 7/6(1), 6/3, 1/8 finalda germaniyalik Maksimilyan Xombergni 6/0, 7/6(4) hisobida mag'lub etgan edi. Fomin ayni paytda ATP reytingida 358-o'rinni egallab turibdi.