20 apr 13:01
Yangiliklar

Tennis

BMW Open. Rune chempionlik himoyasini davom ettirmoqda

Dunyoning 12-raketkasi Xolger Rune Germaniyaning Myunxen shahrida o'tkazilayotgan ATP turnirining 1/2 final ishtirokchisiga aylandi.

Daniyalik tennischi BMW Open turnirining amaldagi chempioni hisoblanadi. U 1/4 finalda ATP reytingida 223-pog'onada borayotgan shveycariyalik Mark-Andrea Xuslerni qiyinchilik bilan mag'lubiyatga uchratdi - 6/4, 7/6(3).

Xusler Rune uchun noqulay raqib bo'lib, buni tennischilarning o'zaro uchrashuvlaridagi hisob ham tasdiqlaydi - 2:2. Bir soatu 42 daqiqa davom etgan bahsda Rune 3, Xusler 7 ta eys zarbasini amalga oshirgan.