03 iyu 16:25
Yangiliklar

Bolalar sporti

Bo'ka tumanida “Yoshlar Kubogi” bellashuvlari o'tkazildi

Toshkent viloyatining Bo'ka tumanidagi “Bo'ston” nomli yoshlar istirohat bog'ida tuman yoshlari ishtirokida “Yoshlar Kubogi” doirasida sportning stol tennisi va voleybol turlari bo'yicha bellashuvlar bo'lib o'tdi.

Toshkent viloyatining “yashil” hududiga kiritilgan mazkur tumanda o'tkazilgan musobaqa “Yoshlar kuni”ga bag'ishlanib, Bo'ka tuman hokimligi, viloyat jismoniy tarbiya va sport boshqarmasi, tuman jismoniy tarbiya va sport bo'limi, tuman bolalar-o'smirlar sport maktabi tashabbusi bilan tashkil etildi.

Musobaqada 80 nafardan ortiq yoshlar ayni karantin qoidalariga qatiy amal qilgan holda o'zaro kuch sinashishdi. Qiziqarli va murosasiz o'tgan bellashuvlar yakunida g'olib va sovrindorlar Toshkent viloyati jismoniy tarbiya va sport boshqarmasi hamda “Bo'ka – Bo'ston bahori” nomli fermer xo'jaligi tomonidan diplom, medal va esdalik sovg'alari bilan mukofotlanishdi.