Boks. Bugun Bekobodda O'zbekiston chempionati boshlanadi

O'zbekiston Madaniyat va sport ishlari vazirligi hamda mamlakat boks federaciyasi hamkorligida o'tkazilayotgan yilning so'nggi nufuzli musobaqasi 10ta vazn toifasida tashkil etiladi.

Unda Qoraqalpog'iston Respublikasi, barcha viloyatlar hamda Toshkent shahrida istedodli va shu bilan birga tajribali bokschilar ringga ko'tarilishadi.

24-30 noyabr kunlari oralig'ida bo'lib o'tadigan joriy yilgi yakuniy musobaqada Braziliya mezbonlik qilgan Rio Olimpiadasining g'olib va sovrindorlari ham ishtirok etishadi.