Boks. Bugun bo'lib o'tgan janglarda barcha bokschilarimiz g'alaba qozondilar

Bugun kun davomida bo'lib o'tgan janglarda 4 nafar bokschimiz o'z imkoniyatlarini sinab ko'rdilar.

Avvaliga jahon chempionati sovrindori Elnur Abduraimov (-60 kg) filippinlik Jeyms Palisteni mag'lubiyatga uchratdi.

Keyin esa Olimpiada kumush medali sohibi SHahram G'iyosov (-69 kg) Iordaniya vakili Ziyad Eashash ustidan g'alaba qozondi.

Olimpiada va jahon chempionati kumush medallari sohibi, 19 yoshli Bektemir Meliqo'ziziev (-81 kg) esa birinchi raunddayoq eronlik Amin Ziadini nokautga uchratdi.

Vakillarimizning kun davomidagi ishtirokiga yakun yasab bergan jang esa Jasurbek Latipov (-52kg) ishtirokida bo'lib o'tdi. U o'z vazn toifasida birinchi raqam ostida saralangan qirg'izistonlik bokschi Azat Usenalievga qarshi bo'lib o'tgan jangda qiyinchilik bilan g'alaba qozondi va navbatdagi bosqich masalasini xal qildi.

Bugun bo'lib o'tgan janglarda g'alaba qozongan bokschilarimiz chorak final yo'llanmasini qo'lga kiritdilar. Agar ular chorak final bahsida g'alaba qozona olsalar Germaniyada bo'lib o'tadigan jahon chempionati yo'llanmasini naqd qilib oladilar.