Boks. Jahon chempionati oldidan Milliy olimpiya qo'mitasida katta tadbir tashkil etildi + FOTO

Unda O'zbekiston Milliy olimpiya qo'mitasi prezidenti Rustam SHoabdurahmonov, Jismoniy tarbiya va sport vazirining birinchi o'rinbosari Oybek Kasimov, O'zbekiston Respublikasi prezidenti adminstraciyasi masul xodimi SHavkat Sultonov, MOQ vice-prezidenti va O'zbekiston boks federaciyasi birinchi vice-prezidenti Saken Polatov, yurtimizdagi sport federaciyalari mutasaddilari, jahon chempionatida ishtirok etadigan bokschilarimiz, murabbiylar hamda OAV xodimlari ishtirok etishdi. 

Yig'ilishni O'zbekiston boks federaciyasi raisining birinchi o'rinbosari Saken Polatov ochib berdi. So'ngra bosh kotib Murodjon Mamadaliev federaciya hisoboti va rejalari taqdimotini o'tkazdi. Unda federaciya tomonidan Tokio-2020 Olimpiadasi uchun ishlab chiqilgan strategiya bilan tanishtirildi. SHundan so'ng Ekaterinburgdagi jahon chempionatida ishtirok etadigan bokschilarimiz tarkibi elon qilindi. 

Avvalroq xabar berganimizdek, terma jamoamiz musobaqada quyidagi tarkibda ishtirok etadi:

-52 kg: SHahobiddin Zoirov

-57 kg: Miraziz Mirzahalilov

-63 kg: Elnur Abduraimov

-69 kg: Bobousmon Baturov

-75 kg: Fanat Qahramonov

-81 kg: Dilshodbek Ro'zmetov

-91 kg: Sanjar Tursunov

+91 kg: Bahodir Jalolov.

Tarkib elon qilingach, terma jamoamiz bosh murabbiyi Marat Qurbonov so'zga chiqib, musobaqaga olib borilgan tayyorgarlik, rejalar haqida gapirib berdi. SHundan so'ng ilmiy kengash vakili o'z fikrini bildirdi. 

Terma jamoa sardori Bahodir Jalolov ham tadbir davomida so'zga chiqib, bokschilar JCHda o'zlariga bildirilgan ishonchni oqlashga astoydil harakat qilishlarini takidlab o'tdi. 

Qolaversa, tadbir davomida O'zbekiston boks federaciyasining texnik hamkori tomonidan musobaqa uchun taqdim etilgan liboslar ham namoyish etildi. Yig'ilishda shuningdek mutasaddilar so'zga chiqib, oldinda turgan jahon chempionatida bokschilarimizga omad tilashdi. 

Milliy olimpiya qo'mitasi prezidenti Rustam SHoabdurahmonov so'zga chiqar ekan, jahon chempionati oldidan bokschilarimizga ishonishini, qo'lga kiritilayotgan yutuqlarda bosh murabbiy Marat Qurbonovning o'rni katta ekanligini qayd etib o'tdi. 

SHu tariqa, jahon chempionati oldidan tashkil etilgan tadbir nihoyasiga etdi.