Boks. Jahon chempionatiga qura tashlandi, Latipovning raqibi malum

Ushbu nufuzli musobaqada O'zbekiston terma jamoasi to'liq tarkibda, yani 10 nafar bokschi bilan ishtirok etadi. Hozirgina Gamburg shahrida jahon chempionatiga qura tashlash marosimi bo'lib o'tdi.

-52 kg vazn toifasidagi hamyurtimiz, Osiyo chempioni Jasurbek Latipov o'z ishtirokini birinchi bosqichdan boshlaydi. Uning raqibi Puerto-Riko vakili Yankiel Rivera bo'ladi.

Mazkur jang 26 avgust kuni bo'lib o'tadi. Agar Latipov raqibini mag'lubiyatga uchratsa, ikkinchi bosqichda bolgariyalik Daniel Asenov bilan to'qnash keladi. Asenov to'g'rida-to'g'ri ikkinchi davradan bahslarga qo'shiladi.