Boks. JCHga qura tashlandi, saltochi Madrimov ikkinchi bosqichdan boshlaydi

Qura natijasiga ko'ra, -75 kg vazn toifasidagi hamyurtimiz, Osiyo chempioni Isroil Madrimov o'z vazn toifasida ettinchi raqam ostida saralandi. Amaldagi Olimpiada chempioni kubalik Arlen Lopes birinchi raqamda harakat qiladi.

SHunga qaramay, u o'z ishtirokini to'g'ridan-to'g'ri ikkinchi davradan boshlaydi. CHarm qo'lqop ustamizning raqibi Puerto-Riko vakili Luis Rodriges hamda turkmanistonlik Aziz Achilov o'rtasidagi jangdan so'ng malum bo'ladi.

Eslatib o'tamiz, Madrimov shu yili Samarqandda Butunjahon boks seriyasi (WSB) doirasidagi “Cuba Domadores” jamoasiga qarshi kechgan jangda aynan Arlen Lopesni shov-shuvli tarzda taslim etgandi. O'z o'rnida Lopes Rio Olimpiadasi finalida Bektemir Meliqo'zievdan ustun kelgan edi.