Boks. Kimda qancha Rio-2016 licenziyasi bor? Bizda to'liq

Unda 92 davlatdan 375 nafar bokschi ishtirok etayapti. Bugun yakuniga etadigan musobaqada jami 39ta licenziya beriladi. Bu borada Rio-2016 uchun erkaklar o'rtasida so'nggi saralash turniri – WSB/APB yo'nalishlari bo'yicha iyun-iyul oylarida Sofiya shahrida tashkil etilishi rejalashtirilgan. Unda yarim professonallarga  jami 26 ta yo'llanma taqdim etiladi.

Ayollar o'rtasida esa saralash turnirlari yakuniga etgan. SHu o'rinda bo'lajak olimpiya o'yinlariga qaysi davlat sportchilari qancha yo'llanmani qo'lga kiritgani borasida ayrim malumotlarni etkazib qo'ysak. Umuman olganda, hozirga qadar 62ta davlat sportchilari boks bo'yicha yo'llanmaga egalar. 

Erkaklar o'rtasida O'zbekiston, Qozog'iston va Kuba terma jamoalari  muddatidan avval to'liq 10ta yo'llanmani qo'lga kiritib bo'lishgan. Buyuk Britaniya va Rossiya bokschilari esa hozircha 8 ta licenziyani naqd qilishgan.

Etiborlisi, hozircha Ukraina, Belarus, Polsha, Vengriya, Ruminiya, Puerto-Riko, Eron, Hindiston, Iordaniya, Yaponiya, Qirg'iziston kabi avvallari olimpiya o'yinlarida medal uchun davogarlik qilgan davlatlarda bittadan yo'llanma bor.

SHuningdek, Bolgariya, SHveciya, Finlandiya, Turkmanistonda esa hali erkaklar o'rtasida birorta ham licenziya yo'q. Ayollar o'rtasida esa eng ko'p uchta yo'llanmani Xitoy va marokashliklar qo'lga kiritgan. Rossiya, Franciya, Buyuk Britaniya, Braziliya, AQSH, Kanada, Qozog'istonda ikkitadan yo'llanma mavjud.

SHu o'rinda bu yil 51 kg vazn toifasida hamyurtimiz Yodgoroy Mirzaeva ham olimpiya o'yinlarida yuqori natija uchun kurash olib borishini takidlash o'rinlidir.

5 avgust kuni boshlanadigan to'rt yillikning eng nufuzli musobaqasida havaskor boks bo'yicha jami 286 nafar sportchi ishtirok etadi. Ularning 250 nafari erkak, 36 nafari ayol bokschilardan iborat bo'ladi.

Erkaklar o'n (49, 51, 52, 60, 56, 75, 60, 64, 69, 75, 81, 91 hamda +91 kg), xotin-qizlar esa uch (51, 60, 75 kg) vazn toifalarida chempionlik uchun ringga ko'tariladi.

Ulug'bek Hakimjonov tayyorladi, o'z muxbirimiz