Boks. Onlayn seminarda vodiylik murabbiylar o'zlariga kerakli malumotlar olishdi

Bugun, onlayn seminarning ikkinchi kunida Andijon, Farg'ona va Namangan viloyati vakillari ishtirok etishdi. 

Rejaga binoan ertalabki seminarda O'zbekiston davlat jismoniy tarbiya universiteti vakillari, professor Rustam Xalmuxammedov boshchiligidagi o'qituvchilar o'zlarining qiziqarli malumotlarini mutaxassislarga etkazishdi. Kafedra o'qituvchilari Dilnavoz Berdieva "Virusli kasalliklarga qarshi kurashish tamoyillari", Valixan Anashev esa "Pandemiya davridan keyin sportchilarning ish qobiliyatini tiklashning biokimyoviy asoslari" mavzusida maruza qilishdi. 

Kunning ikkinchi qismida esa O'zbekiston boks federaciyasi bosh kotibi Murodjon Mamadaliev boshchiligida tashkiliy masalalarga bag'ishlangan seminar o'tkazildi. M. Mamadaliev karantin davrida mashg'ulot olib borish, rejalar haqida gapirib berdi. Terma jamoa katta murabbiyi esa pandemiya davrida sportchilarni nazorat qilish, oldinda kutib turgan musobaqalar va boshqa tashkiliy jihatlar haqidagi savollarga javob berib o'tdi. Seminar ishtirokchilari o'zlarini qiziqtirgan savollarga javob olishdi. 

Eslatib o'tamiz, mazkur onlayn seminar 15 avgustga qadar, kuniga ikki martadan tashkil etilishi rejalashtirilgan. 

O'zbekiston boks federaciyasi matbuot xizmati