Boks. O'zbekiston yana bir turnirda umumjamoa hisobida birinchi bo'ldi

27 aprel - 1 may kunlari Ozarbayjon poytaxti Baku shahrida boks bo'yicha "Haydar Aliev-2019" xalqaro turniri bo'lib o'tdi. 

Musobaqada jahonning 10 mamlakatidan yosh charm qo'lqop ustalari ishtirok etishdi. Quvonarlisi, musobaqada ishtirok etgan 7 nafar bokschimizning barchasi musobaqa yakunlariga ko'ra medallarga sazovor bo'lishdi. 

Musobaqa yakunlariga ko'ra sovrindorlar ro'yxati:

Oltin:

-48 kg: Asrorbek SHahobiddinov

-52 kg: Jahonmurod Imomaliev

-60 kg: Bekzod Bekmurodov

-70 kg: Login Petrov

+80 kg: Jahongir Zokirov

Bronza:

-46 kg: Bekzod Xoldorov

-57 kg: Lazizbek Fattoev

Murabbiylar: L.Zokirov, I.Berdiev

Turnir yakuniga ko'ra, O'zbekiston terma jamoasi 5 ta oltin, 2 ta bronza medalini qo'lga kiritdi. 

Bugun musobaqada ishtirok etgan bokschilarimiz yurtimizga qaytib kelishadi. Yosh bokschilarimiz joy olgan samolyot Toshkentga soat 20:10 da kelib qo'nadi. 

O'zbekiston boks federaciyasi matbuot xizmati