Bokschilarimiz yil yakuniga ko'ra qitada eng yaxshi bo'lishlari mumkin. Ularni qo'llab-quvvatlang!

Quvonarlisi, bir necha yo'nalishlarda hamyurtlarimiz eng yaxshi bo'lish uchun kurash olib boradilar.

-"Yilning eng yaxshi bokschisi" nominaciyasida ikki nafar sportchimiz davogarlar qatorida qayd etildi. Jakartadagi Osiyo o'yinlari g'oliblari Isroil Madrimov va Iqboljon Xoldorov bu borada eng yaxshi bo'lish uchun nomzod bo'lishdi.

-Argentina Olimpiadasi, jahon va Osiyo chempionatlari g'olibi Abdumalik Xalakov qitada "Yilning eng yaxshi yosh bokschisi" bo'lishi mumkin.

-Butunjahon boks seriyasida ishtirok etgan eng yaxshi osiyolik bokschi bo'lish uchun nomzodlar qatorida Bahodir Jalolov va SHahobiddin Zoirov qayd etildi.

-"Osiyo boksida yil kashfiyoti" nominaciyasida Osiyo o'yinlari g'olibi Mirazizbek Mirzahalilov, shuningdek kumush medal sohibi SHunqor Abdurasulov ham kurash olib boradi.

-"Osiyoda yilning eng yaxshi texnik mutaxassisi" bo'lish uchun yana bir hamyurtimiz Dilshod Kazakov davogarlik qilmoqda.

-Qitamizning eng yaxshi hakami bo'lish uchun hamyurtimiz Aleksandr Hamidov kurash olib boradi.

-Osiyo o'yinlarida 7 ta imkoniyatdan 7 ta medal jamg'ara olgan O'zbekiston boks federaciyasi ham qitada yilning eng yaxshi federaciyasi bo'lish uchun nomzod bo'ldi.

Siz ushbu HAVOLA orqali hamyurtlarimizga ovoz berishingiz mumkin.