16 avg 16:44
Yangiliklar
Boks/MMA, Tokio-2020
Bokschilarimizning bugungi ishtirokini Fazliddin boshlab beradi
Bugun Rio Olimpiadasining 11-kungi bahslarida uch nafar charm qo'lqop ustamiz o'z janglarini o'tkazadi.
Bokschilarimizning bugungi ishtirokini Fazliddin G'oibnazarov boshlab beradi. -64 kg vazn toifasidagi hamyurtimiz chorak final bahsida AQSH bokschisi Garri Rasselga qarshi ringga ko'tariladi.
Ushbu jang Toshkent vaqti bilan soat 20:15da boshlanishi rejalashtirilgan. Jang g'olibi Olimpiadaning kamida bronza medalini naqd qilib qo'yadi. G'oibnazarov ilk bosqichda kongolik Dival Malongoni, ikkinchi davrada hindistonlik Manoj Kumarni katta ustunlik bilan mag'lub etgandi.
Fazliddinning bugungi raqibi Garri Antuan Rassel avvaliga gaitilik Xitchins Richardsonni, keyin amaldagi Osiyo chempioni, Osiyo o'yinlari g'olibi, jahon chempionati bronza medal sovrindori tailandik Vuttichay Masukni 2:1 hisobida taslim etdi.
Havola :
Manba : olamsport.com
Fikrlar